नित्यधन फायनान्स प्रायव्हेट लिमिटेड ही भारत सरकारच्या कॉर्पोरेट व्यवहार मंत्रालयाकडे नोंदणीकृत असलेली आणि रिझर्व्ह बँक ऑफ इंडिया (RBI) द्वारे अधिकृत करण्यात आलेली आघाडीची बिगर-बँकिंग वित्तीय कंपनी (NBFC) आहे. ही संस्था पूर्वी एमटिक सिक्युरिटीज प्रायव्हेट लिमिटेड म्हणून ओळखली जात असे.

रिझर्व्ह बँक ऑफ इंडिया(RBI) कडून प्रतिष्ठित NBFC परवाना मिळवत कंपनीच्या दूरदर्शी आदरणीय संचालकांनी १९९४ साली एमटिक सिक्युरिटीज प्रा. लि. ची स्थापना केली, त्यामधूनच नित्यधन फायनान्सच्या प्रदीर्घ वाटचालीची पायाभरणी झाली. २०१९ सालापर्यंत एमटिक सिक्युरिटीजचे सुकाणू त्यांच्याच हाती होते.

२०१९ साली मात्र श्री. मिथुन सागरे यांच्या कारभाराखाली ‘नित्यधन फायनान्स’चा एक नवीन अध्याय सुरू झाला, ज्यांनी निर्धाराने हा परवाना मिळवला आणि तो राखत त्याची शान वाढवली.

सप्टेंबर २०२१ मध्ये माननीय मिथुन सागरे यांच्या मार्गदर्शनाखाली एमटिक सिक्युरिटीजची पहिली शाखा विटा येथे स्थापित झाली. जिथे एमटिक सिक्युरिटीजच्या पहिल्या शाखेच्या आर्थिक वाटचालीची भरभराट झाली. त्यानंतर जानेवारी २०२२ मध्ये सांगली, त्यानंतर एप्रिल २०२३ मध्ये कराड आणि नोव्हेंबर २०२३ मध्ये इचलकरंजी येथे शाखा स्थापन करून नित्यधन फायनान्सने आपल्या सेवांचा परीघ विस्तारला. हा एमटिक सिक्युरिटीजच्या वाटचालीतील एक मोलाचा टप्पा होता.

पण तिथेच न थांबता आपल्या सेवांचा परीघ आणखी विस्तारण्याचं स्वप्न एमटिक सिक्युरिटीजने बघितलं आणि २०२३ साली एमटिक सिक्युरिटीज प्रायव्हेट लिमिटेड या कंपनीचं नाव बदलून नित्यधन फायनान्स प्रायव्हेट लिमिटेड असं ठेवण्यात आलं. हा बदल रिझर्व्ह बँक ऑफ इंडिया (RBI) ने मंजूर केला आहेच, सोबतच कॉर्पोरेट व्यवहार मंत्रालय (MCA) मध्ये हे नाव अधिकृत रित्या नोंदवण्यात आले आहे.

मोठी स्वप्नं बघत रहावीत, म्हणजे आपल्याला आपलं क्षितीज दूर दूर दिसत राहतं आणि त्या क्षितीजाच्या दिशेने चालताना आपण आणखी पुढे पुढे जात राहतो.
सातारा, पुणे, इस्लामपूर, कोल्हापूर या भागात गावागावात शाखा उभारून तळागाळातील लोकांपर्यंत पोहोचण्याचं आमचं स्वप्न आहे. या विस्तारवादी स्वप्नांना प्रयत्नांची जोड देण्याचा आमचा स्वभाव आहे. महाराष्ट्रातील विविध समुदायांची सेवा आणि आर्थिक भरभराट करण्यासाठी नित्यधन फायनान्स वचनबद्ध आहे, हे या प्रवासातून दिसून येतं.